കോഴിക്കോട്: പേരാമ്പ്രയിലെ അനൗൺസ്മെന്റ് വിവാദത്തിൽ എൽഡിഎഫ് സ്ഥാനാർഥി ടി.പി.രാമകൃഷ്ണൻ തെരഞ്ഞെടുപ്പ് കമ്മീഷന് മറുപടി നൽകി. വിവാദത്തിൽ പാർട്ടിക്ക് ബന്ധമില്ല. ചട്ടലംഘനം നടത്തിയിട്ടില്ലെന്നും മതസ്പർദ്ധ ഉണ്ടാക്കുന്ന അനൗൺസ്മെന്റ് ഉണ്ടായിട്ടില്ലെന്നും അദ്ദേഹം പറഞ്ഞു.
നമ്മുടെ വോട്ടുകൾ നമ്മുടെ ഖൗമിലെ കുട്ടിക്ക് എന്ന അനൗൺസ്മെന്റാണ് വിവാദമായത്. തുടർന്ന് യുഡിഎഫ് നേതാക്കൾ ജില്ലാ കളക്ടർക്ക് പരാതി നൽകുകയായിരുന്നു. സംഭവം വിവാദമായതോടെ സിപിഎം വിശദീകരണവുമായി രംഗത്തുവന്നിരുന്നു.
ഫാത്തിമ തഹ്ലിയ മതംപറഞ്ഞു വോട്ടുപിടിക്കുന്നുവെന്ന ആക്ഷേപം എൽഡിഎഫിനില്ലെന്നും വിവാദ സംഭവത്തിൽ തനിക്ക് യാതൊരു ബന്ധവുമില്ലെന്നും ടി.പി.രാമകൃഷ്ണൻ പറഞ്ഞിരുന്നു. മതം പറഞ്ഞ് വോട്ട് ചോദിച്ചിട്ടില്ലെന്നും വർഗീയ വിഭജനം ലക്ഷ്യമിട്ട് എൽഡിഎഫ് നടത്തുന്ന പ്രചാരണ വേലയാണിതെന്നും യുഡിഎഫ് നേതാക്കൾ പറഞ്ഞു.